،،،،،،:::::::بنفتش عليك:::::::،،،،،، لي الليله بنفتش عليك ياحته من لحم الحشا وبنكوس وسط كل الوجوة وشك ملامحو المدهشة وطلت عيونك ياجناي وقت الذمن خجل اختشأ وكيف ياذمن بتنادي ذول علمتو من بدري ومشا ولي الليلة بنفتش عليك عبدلله وين دخر ألحنين وقت المطامير تندفن يالقمه في بطن الصغار وقتين يفوت روبي السعن وين شان تقد ها البقر عقب الصباح وترجعآ وين عشان تعالج ها الجرح دمعاتو عيوني توجعآ بتذكر ياخو دحين الغربه كيف ياها المتاعيس الذمان والناس مشلهت في الرصيف واللقمة تاكولا وانتا ماش حتت لحيماية ورقيف والناس عجالتا في الدوام ماف ذول بذكر الله اللطيف يالله ياحي يالطيف عبدلله حال الغربه كيف دي الناس مبشتنه بي وراك والدار مسيخه بلا طعم ام الحبيبه بتشتهيك عد مايدور شريانا دم والوالد يسأل عن ديارك وانتا ماهماك هم والرجه لبتين ياحشاي من ها العمارات السجم من المواعيد الرماد ومن الكلام الانعدم من كل ملمح من خيال قبل المواعيد تبقا قم ارجع علي طين البلد دي الناس كلامه بلاك مسيخ والدنيا كلها انهزام يافاتح الوجع الجواي لاترجا لي جرحي التأم انا قلبي محروق يأجاني غالبني بالمره الكلام وانا غيرك انت ماشايف ذول دي الحله ذاتا عقاب حطام ارجع تعال عبدلله هوي ! كل الحواشات تشتهيك تسأل محل اخضر نفوت جرارت ابوي ابت الذراعه نسجت عليها العنكبوت والضي رحل خلا البيوت والزير وقع ارجع قبل مالكل يموت ارجع علي البلد القبيل قراك معاني الانتما وارجع علي امك وكلما وانعل مبارات المدن ليلات عقابا المظلما ارجع عليك رب الخلق والرجعه لي الغربه الهناك حاول قليبك حرما انعل ابو الغربه الفقر حرمت عقاب امي الجنا وحرقت قلب مليون بلاد راجية الذراعه تحاضنا وخلتنا نتجرع عذاب نعذم اسانا مع الغناء وطولت خلاص بالحيل شديد تميت 13سنه والشيب سكن وهج الضفاير فوق رميشات ستنا وشربآ مراره الاغتراب فقدت عقابات الهناء بالحيل ندمنا علي مشيك كل المعاني بتشتهيك وانا مابقشك بشتهيك ! لي الليله بنفتش عليك ! لي الليله بنفتش عليك ! تحياتي ®ДIşЂIαIє alshlale@nimbuzz wWw.KoRe.xTgEm.cOm